சென்னை சூப்பர் கிங்ஸ் (CSK) ரசிகர்கள் கவனத்திற்கு – பிளே ஆஃப்களில் இருந்து வெளியேற்றம்!
கடந்த 10 ஆட்டங்களில் 7ல் தோல்வியடைந்து புள்ளிப்பட்டியலில் இப்போது 9வது இடத்தில் இருக்கும் நடப்பு சாம்பியனான சென்னை சூப்பர் கிங்ஸ் (CSK) அணி இந்த சீசனுக்கான பிளேஆஃப்களில் இருந்து வெளியேற்றப்பட்டுள்ளது.
சென்னை சூப்பர் கிங்ஸ்
இந்த ஆண்டுக்கான இந்தியன் பிரீமியர் லீக் போட்டிகளை வெற்றியுடன் ஆரம்பிக்கத் தவறிய நடப்பு சாம்பியனான சென்னை சூப்பர் கிங்ஸ் (CSK) அணி இப்போது பிளே ஆப் செல்லும் வாய்ப்பை இழந்திருக்கிறது. அந்த வகையில் நேற்று (மே.4) நடைபெற்ற ஆர்சிபிக்கு எதிரான போட்டியில் தோல்வியை தழுவியதால் இந்த சீசனில் CSK அணி தனது ஏழாவது தோல்வியை பதிவு செய்துள்ளது. புனேவில் உள்ள எம்சிஏ ஸ்டேடியத்தில் நடந்த 49வது ஆட்டத்தில், ராயல் சேலஞ்சர்ஸ் பெங்களூர் அணி 13 ரன்கள் வித்தியாசத்தில் சென்னை சூப்பர் கிங்ஸை தோற்கடித்தது.
தமிழக ரேஷன் அட்டைதாரர்களுக்கு ஷாக் அறிவிப்பு – அதிகரிக்கும் அரிசி கடத்தல்!
இதற்கிடையில் கடந்த 4 ஆட்டங்களில் தொடர் தோல்வியை தழுவிய RCB அணி, மஞ்சள் படைக்கு எதிரான போட்டியில் வென்றது. அந்த வகையில் பாஃப் டு பிளெஸ்ஸிஸ் தலைமையிலான RCB இப்போது இரண்டு முக்கியமான புள்ளிகளைப் பெற்று புள்ளிகள் பட்டியலில் நேராக நான்காவது இடத்திற்கு முன்னேறியுள்ளது. இதன் மூலம் RCB பிளே ஆப் வாய்ப்பை தக்கவைத்துக்கொண்டது. மறுபக்கத்தில் MS தோனி தலைமையிலான CSK, பிளேஆஃப்களை நோக்கிய பந்தயத்தில் இருந்து வெளியேறியுள்ளது. அதாவது, RCBக்கு எதிரான தோல்வியுடன் நடப்பு சீசனில் பிளேஆஃப்களுக்குத் தகுதி பெறும் CSKவின் நம்பிக்கை இனி இல்லை.
Exams Daily Mobile App Download
ஏனெனில் அடுத்த போட்டியில் இருந்து CSK அணி குவிக்க வேண்டிய அதிகபட்ச புள்ளிகள் 14 ஆகும். இது அவர்கள் மீதமுள்ள நான்கு லீக் போட்டிகளிலும் வெற்றி பெற்றால் மட்டுமே சாத்தியம் என்பதால், ஏறக்குறைய நடப்பு ஆட்டத்தில் இருந்து CSK வெளியேறி இருக்கிறது. இப்போது CSK அதிகாரப்பூர்வமாக போட்டியில் இருந்து வெளியேறவில்லை என்றாலும், மற்ற அணிகளின் போட்டி முடிவுகள் மட்டும் லீக்கில் இருந்து செல்வதை உறுதி செய்யும். ஆனால் அவர்களின் நிகர ரன் விகிதம் (NRR) மற்ற ஐந்து அணிகளை விட சிறப்பாக உள்ளது. இந்த நேரத்தில், மோசமான NRR -0.431ல் இருக்கும் CSK அணிக்கு பிளேஆஃப்களை அடைய ஒரு அதிசயம் தேவை.
 அணி இந்த சீசனுக்கான பிளேஆஃப்களில் இருந்து வெளியேற்றப்பட்டுள்ளது.){kind=link}