ஐபிஎல் 2022: மெகா ஏலத்தில் இருந்து விலகிய கிறிஸ் கெயில் – ரசிகர்கள் அதிர்ச்சி!
இந்தியன் பிரீமியர் லீக்கின் (ஐபிஎல்) 2022 சீசனுக்கு முன்னதாக நடைபெறவிருக்கும் மெகா ஏலத்தில் பங்கேற்கும் வீரர்களின் முழுமையான பட்டியலை இந்திய கிரிக்கெட் கட்டுப்பாட்டு வாரியம் (பிசிசிஐ) இன்று வெளியிட்டது. இதில் கடந்த சீசனில் பஞ்சாப் கிங்ஸ் அணிக்காக விளையாடிய வெஸ்ட் இண்டீஸ் ஜாம்பவான் கிறிஸ் கெய்ல் பெயர் இடம்பெறாமல் இருப்பது ரசிகர்கள் மத்தியில் அதிர்ச்சியை ஏற்படுத்தியுள்ளது.
ரசிகர்கள் அதிர்ச்சி:
2022 ஆம் ஆண்டு ஐபிஎல் மெகா ஏலத்தில் பங்கேற்க 1214 வீரர்கள் தங்களது பெயரை பதிவு செய்திருந்த நிலையில் அவர்களில் 590 பேர் மட்டுமே தகுதியானவர்கள் என ஐபிஎல் நிர்வாகம் தற்போது அதிகாரப்பூர்வமாக அறிவித்துள்ளது. அந்த 590 வீரர்களில் 228 பேர் சர்வதேச கிரிக்கெட்டில் பங்கேற்ற வீரர்கள் என்றும், 355 பேர் உள்ளூர் கிரிக்கெட் போட்டிகளில் மட்டும் பங்கேற்றவர்கள் என்றும் தெரிவிக்கப்பட்டுள்ளது. மேலும் 7 பேர் அண்டை நாடு என்ற அடிப்படையில் மெகா ஏலத்தில் வாய்ப்பு கொடுக்கப்பட்டுள்ளது. இதில் மொத்தம் 370 இந்தியர்களும், 220 வெளிநாட்டு வீரர்களும் இருக்கிறார்கள்.
தமிழகத்தில் பள்ளி மாணவர்களுக்கு சுழற்சி முறையில் வகுப்புகள் – சுகாதாரத்துறை செயலாளர்!
இந்தியன் பிரீமியர் லீக் (ஐபிஎல்) 2022 வீரர்கள் ஏலப் பட்டியல் 2022 பிப்ரவரி 12 மற்றும் 13 ஆம் தேதிகளில் பெங்களூருவில் நடைபெறும் இரண்டு நாள் மெகா ஏலத்தின் போது மொத்தம் 590 கிரிக்கெட் வீரர்களை உள்ளடக்கிய பட்டியல் என்று அறிவிக்கப்பட்டுள்ளது. இம்முறை ரூ.2 கோடியே அதிக விலையாகும். மேலும் 48 வீரர்கள் இந்த அடைப்புக்குறிக்குள் தங்களை இடம்பிடிக்க தேர்வு செய்துள்ளனர். 1.5 கோடி ரூபாய் கையிருப்பு விலையுடன் 20 வீரர்கள் ஏலப் பட்டியலில் இடம் பெற்றுள்ளனர்.
UPSC 170 காலிப்பணியிடங்கள் – தேர்வு அட்மிட் கார்டு வெளியீடு..!
ஐபிஎல்லின் மிகப்பெரிய நட்சத்திரங்களில் ஒருவராக கருதப்படும் கெய்ல், 2022 ஏலத்தில் தனது பெயரை பதிவு செய்யவில்லை. கடந்த 14 வது IPL சீசனில் ஆறு சதங்கள் அடித்துள்ளார். மேலும் 142 போட்டிகளில் 4965 ரன்கள் எடுத்துள்ளார். IPL போட்டியின் வரலாற்றில் அதிக ரன்கள் எடுத்தவர்கள் பட்டியலில் ஏழாவது இடத்தில் உள்ளார். அவரை தொடர்ந்து இங்கிலாந்து ஆல் ரவுண்டர் ஸ்டோக்ஸ் மற்றும் ஆஸ்திரேலியா வேகப்பந்து வீச்சாளர் மிட்செல் ஸ்டார்க் ஆகிய இருவரும் இந்த ஆண்டு IPL மெகா ஏலத்தில் இடம்பெறவில்லை.