அஞ்சலக வாடிக்கையாளர்கள் கவனத்திற்கு – 3 சிறப்பான திட்டங்கள்! முழு விவரம் இதோ!
சமீப காலமாக வங்கிகளின் நிலையான வைப்பு தொகைகளுக்கான வட்டி விகிதங்கள் தொடர்ச்சியாக அதிகரித்து வரும் நிலையில், அஞ்சல் அலுவலகங்களின் 3 சிறந்த திட்டங்கள் வாடிக்கையாளர்களுக்கு அதிக வருமானத்தை அளிக்கிறது.
தபால் திட்டங்கள்
ரிசர்வ் வங்கியின் நாணயக் கொள்கைக் குழு (எம்பிசி) கடந்த ஜூன் மாதத்தில் ரெப்போ விகிதத்தை 4.90 சதவீதமாக உயர்த்தியதில் இருந்து டெபாசிட் பொருட்களுக்கான வட்டி விகிதங்கள் அதிகமாகி வருகின்றன. ஆனால் அவை இன்னும் பணவீக்க வரம்பிற்குக் கீழே உள்ளது என்பது குறிப்பிடத்தக்கது. சமீபத்தில் ரெப்போ விகிதத்தின் அதிகரிப்புக்குப் பிறகு, குறுகிய கால வைப்புத்தொகைகளுக்கான வட்டி விகிதங்கள் தொடர்ச்சியாக அதிகரிக்கப்பட்டு வந்தது. இருப்பினும், 2022ம் ஆண்டில் அஞ்சலகத் திட்டங்களின் வட்டி விகிதங்கள் வங்கி நிலையான வைப்பு வட்டி விகிதங்களை விட குறைவாகவே இருந்தன.
Exams Daily Mobile App Download
அந்த வகையில் SBI, ICICI, HDFC, Axis Bank, PNB, BoB போன்ற முன்னணி வங்கிகள் நிலையான வைப்புகளுக்கான வட்டி விகிதங்களை உயர்த்தியுள்ளது. இதே நேரத்தில் மூத்த குடிமக்கள் சேமிப்புத் திட்டம் (SCSS), பொது வருங்கால வைப்பு நிதிக் கணக்கு (PPF), மற்றும் சுகன்யா சம்ரித்தி கணக்கு போன்ற அஞ்சல் அலுவலகத் திட்டங்களின் வட்டி விகிதங்கள் குறைவாக இருந்தது. அதன்படி, வங்கிகளில் தற்போது உயர்ந்து வரும் வட்டி விகிதங்களை கருத்தில் கொண்டு வாடிக்கையாளர்கள் நீண்ட கால முதலீடுகளுக்கு அஞ்சல் அலுவலக சேமிப்புத் திட்டங்களை பரிசீலிக்கலாம்.
மூத்த குடிமக்கள் சேமிப்புத் திட்டம் (SCSS):
அஞ்சல் அலுவலகத்தில் வழங்கப்படும் மூத்த குடிமக்கள் சேமிப்புத் திட்டம் (SCSS) என்பது ஒரு சிறிய சேமிப்புத் திட்டமாகும். இது NPS மற்றும் PMVVY ஆகியவற்றுக்கு மத்தியில் நிலையான வைப்புகளை விட சிறந்த வருமானத்தை ஈட்டக்கூடிய ஒரு சேமிப்பாக இருந்து வருகிறது. மேலும் இது மூத்த குடிமக்கள் மத்தியில் வரவேற்கப்படும் ஒரு சிறந்த முதலீட்டுத் திட்டமாகும். அதாவது 60 வயதுக்கு மேற்பட்ட பெரியவர்கள், 55 வயதுக்கு மேற்பட்ட ஓய்வு பெற்ற சிவில் ஊழியர்கள் மற்றும் 50 வயதுக்கு மேற்பட்டமற்றும் 60 வயதுக்குட்பட்ட ஓய்வு பெற்ற ராணுவ வீரர்கள் SCSS கணக்கை நிறுவலாம்.
தமிழக பள்ளி ஆசிரியர்களுக்கு பணிமாறுதல் கலந்தாய்வு – ஜூலை 7 முதல் துவக்கம்!
அந்த வகையில் ஒரு மூத்த குடிமகன் தனது மனைவியுடன் தனித்தனியாகவோ அல்லது கூட்டாகவோ சேர்ந்து ஒரு கணக்கை தொடங்கலாம். இந்த கணக்கில் மூத்த குடிமக்கள் SCSS இன் கீழ் செய்யப்பட்ட முதலீடுகளில் பிரிவு 80Cன் கீழ் ரூ.1.5 லட்சம் வரை வரிச் சலுகைகளை பெற முடியும். தற்போது மூத்த குடிமக்கள் சேமிப்புத் திட்டம் காலாண்டு அடிப்படையில் ஆண்டுக்கு 7.4% வருமானத்தை வழங்குகிறது. தவிர SCSSக்கு 5 வருட முதிர்வு காலம் உள்ளது. இருப்பினும், அஞ்சலக கணக்கு திறக்கப்பட்ட தேதிக்குப் பிறகு எந்த நேரத்திலும் சேமிப்பை முன்கூட்டியே திரும்பப் பெறுதல் அபராதத்துடன் அனுமதிக்கப்படும்.
பொது வருங்கால வைப்பு நிதி கணக்கு (PPF):
EEE நிலை காரணமாக, நீண்ட கால முதலீட்டாளர்களுக்கு PPF மிகவும் விரும்பப்படும் முதலீட்டுத் திட்டங்களில் ஒன்றாகும். அதாவது, குறைந்தபட்ச வைப்புத்தொகை ரூ. 500 மற்றும் அதிகபட்ச வருடாந்திர பங்களிப்பு ரூ. 1.5 லட்சம், ஒரு வயது முதிர்ந்த குடியுரிமை பெற்ற இந்தியர் அல்லது மைனர்/ மனநிலை சரியில்லாதவர் சார்பாக ஒரு பாதுகாவலர் இந்த PPF கணக்கை நிறுவ முடியும். இப்போது வருமான வரிச் சட்டத்தின் 80சி பிரிவுக்கு டெபாசிட்கள் தகுதியானவை என்பதை முதலீட்டாளர்கள் அறிந்திருக்க வேண்டும். இந்த PPF கணக்குக்கு 15 வருட முதிர்வு காலம் உள்ளது. மேலும் முதலீட்டாளர்கள் தற்போது ஆண்டுதோறும் 7.1 சதவீத வட்டி விகிதத்தில் பெறலாம்.
கூடுதலாக, வருமான வரிச் சட்டத்தின் கீழ் சம்பாதித்த வட்டி முற்றிலும் வரியற்றது. ஐந்து ஆண்டுகளுக்குப் பிறகு, கணக்கு செயல்படுத்தப்பட்ட ஆண்டு மற்றும் முதிர்வு விருப்பத்துடன் டெபாசிட் செய்பவர்கள் தவிர, ஒரு சந்தாதாரர் ஒரு நிதிக் காலத்திற்கு 50% வரை சேமிப்பை எடுக்கலாம். ஒருவர் PPF கணக்கை கூடுதலாக 5 வருடத் தடைக்கு நீட்டிக்க, டெபாசிட் செய்யாமலேயே முதிர்வு மதிப்பை கணக்கில் வைத்திருக்கலாம். தவிர முதிர்வு முடிந்தவுடன் வரி இல்லாத முதிர்வுத் தொகையை எடுத்துக்கொள்ளலாம். கணக்கு நிறுவப்பட்டு ஐந்து வருடங்கள் கடந்த பிறகுதான், அவசரநிலைகளுக்கு PPF கணக்கை முன்கூட்டியே திரும்பப் பெற முடியும்.
சுகன்யா சம்ரித்தி கணக்குகள் (SSA):
இந்த அஞ்சல் அலுவலகத் திட்டம் குறிப்பாக பெண் பிள்ளைகளின் எதிர்காலத்திற்காக நிதிச் சேமிக்க விரும்பும் பெற்றோருக்காக செயல்படுத்தப்படுகிறது. அந்த வகையில் 10 வயதுக்குட்பட்ட பெண் குழந்தைகளின் சார்பாக பாதுகாவலர்களால் SSA கணக்குகள் நிறுவப்படலாம். மேலும் ஒரு குடும்பத்தில் இரண்டு மகள்கள் இருந்தால் ஒரு பெண்ணின் பெயரில் ஒரு கணக்கை மட்டுமே பதிவு செய்ய முடியும். ஒரு SSA கணக்கில் குறைந்தபட்சம் INR 250 மற்றும் INR 1,50,000 வரை டெபாசிட் செய்யலாம். மேலும் கணக்கு முதலில் உருவாக்கப்பட்ட பிறகு அதிகபட்சம் 15 ஆண்டுகளுக்கு டெபாசிட் செய்யலாம். சுகன்யா சம்ரித்தி கணக்கு வைப்புகளுக்கு, பிரிவு 80சியின் கீழ் ஆண்டுக்கு ரூ.1.5 லட்சம் வரை வரி விலக்கு அளிக்கப்படுகிறது.
சுகன்யா சம்ரித்தி கணக்கு இப்போது 7.6% வருடாந்திர வட்டி விகிதத்தை வழங்குகிறது. இந்த சேமிப்பில் கணக்கு வைத்திருக்கும் ஒரு பெண் 21 ஆண்டுகளை கடந்துவிட்டால் முதிர்வுப் பலன்களை பெறலாம். மாற்றாக, 18 வயதுக்குப் பிறகு ஒரு பெண் குழந்தை திருமணம் செய்யும் போது அதாவது திருமண நாளுக்கு ஒரு மாதத்திற்கு முன் அல்லது மூன்று மாதங்களுக்குப் பிறகு முதிர்வுத் தொகைக்காக SSA கணக்கு மூடப்படலாம். ஒரு பெண் குழந்தை 18 வயதை எட்டியதும் அல்லது பத்தாம் வகுப்பு முடித்ததும், கணக்கில் இருந்து 50% வரை பணம் எடுக்க அனுமதிக்கப்படுகிறது. மேலும் அவசர காலங்களில் SSA கணக்கு நிறுவப்பட்ட ஐந்து ஆண்டுகளுக்குப் பிறகு முன்கூட்டியே மூடப்படலாம்.
