IIT & NIT பொறியியல் மேற்படிப்புகளுக்கான GATE நுழைவுத் தேர்வு – செப்.24 வரை விண்ணப்பிக்கலாம்!
மத்திய கல்வி அமைச்சகத்தின் கீழ் செயல்பட்டு வரும் மத்திய உயர்கல்வி நிறுவனங்களில் பொறியியல் மேற்படிப்பு படிக்க விரும்பும் மாணவர்களுக்கு GATE நுழைவுத் தேர்வு நடத்தப்பட உள்ளது. அதற்கான விண்ணப்பங்கள் ஆகஸ்ட் 30 ஆம் தேதி முதல் வரவேற்கப்பட்டுள்ளது.
GATE நுழைவுத்தேர்வு
இந்தியாவில் பொறியியல் படிப்புகளை மத்திய உயர்கல்வி நிறுவனங்களான IIT, NIT மற்றும் IISC போன்றவைகளில் படிக்க விரும்பும் மாணவர்கள், இளங்கலை படிப்புகளுக்கு JEE தேர்வையும், முதுநிலை படிப்புகளுக்கு GATE என்ற நுழைவுத்தேர்வையும் எழுத வேண்டியது கட்டாயமாகும். இந்த தேர்வுகளில் தேர்ச்சி பெறும் மாணவர்களுக்கு மட்டும் IIT, NIT மற்றும் IISC கல்வி நிறுவனங்களில் பயில வாய்ப்பு கிடைக்கும்.
திமுக எம்எல்ஏ.,க்களுக்கு மீண்டும் எச்சரிக்கை விடுத்த முக ஸ்டாலின்!
அந்த வகையில் இந்த ஆண்டுக்கான M.E, M.Tech, M.Plan உள்ளிட்ட முதுகலை படிப்புக்கான மாணவர் சேர்க்கைக்காக GATE (Graduate Aptitude Test in Engineering) நுழைவுத் தேர்வு நடத்தப்பட உள்ளது. சென்னை, டெல்லி உள்ளிட்ட இடங்களில் இருக்கக்கூடிய IIT கல்வி நிறுவனங்கள் ஒவ்வொரு ஆண்டும் GATE தேர்வுகளை நடத்தும். அதன்படி இந்த ஆண்டு IIT கரக்பூர் தேர்வுகளை நடத்துகிறது. முன்னதாக 2022 ஆம் கல்வியாண்டுக்கான GATE நுழைவுத் தேர்வுகள் பிப்ரவரி 5, 6, 12 மற்றும் 13 ஆகிய தேதிகளில் நடத்தப்படும் என அறிவிக்கப்பட்டுள்ளது.
TN Job “FB 
Group” Join Now
இதுவரை சிவில், மெக்கானிக்கல், கம்ப்யூட்டர் சயின்ஸ், எலெக்ட்ரானிக்ஸ் மற்றும் கம்யூனிகேஷன், ஏரோ ஸ்பேஸ் உள்ளிட்ட 27 பாடப்பிரிவுகளுக்காக நடத்தப்பட்ட GATE தேர்வுகள் இந்த ஆண்டு முதல் கூடுதலாக பிடிஎஸ் மற்றும் எம் பார்ம் உள்ளிட்ட 2 படிப்புகளுக்கும் மேற்கொள்ளப்பட இருக்கிறது. இந்நிலையில் நுழைவுத் தேர்வுக்கான விண்ணப்பங்கள் ஆகஸ்ட் 30 முதல் துவங்கி செப்டம்பர் 24 ஆம் தேதி வரை பெறப்பட உள்ளது. இதை தொடர்ந்து ஹால் டிக்கெட்டுகள் ஜனவரி 3 ஆம் தேதி வெளியாக உள்ளது. மேலும் நுழைவுத் தேர்வுக்கான இறுதி முடிவுகள் முடிவுகள் மார்ச் 17 ஆம் தேதி வெளியாகும் என்பது கூடுதல் தகவல்.
