TCS, Infosys, Wipro & HCL நிறுவனங்களில் 30% குறைவான Freshers? முக்கிய தகவல் வெளியீடு!
இந்தியாவின் நான்கு பெரிய ஐடி நிறுவனங்களின், காலாண்டு நிதிநிலை அறிக்கையில், தொழிலாளர் செலவுகள் அதிகரிப்பு மற்றும் லாபத்தில் அவற்றின் தாக்கம் குறித்து தெரிவிக்கப்பட்டுள்ளது. இதன் அடிப்படையில் மந்தநிலை காரணமாக 30% குறைவான ஊழியர்களை, நிறுவனங்கள் நியமிக்கும் என்று தகவல் வெளியாகி உள்ளது.
முக்கிய தகவல்:
இந்தியாவின் மிகப்பெரிய ஐடி நிறுவனங்களான டிசிஎஸ், விப்ரோ, இன்ஃபோசிஸ் மற்றும் எச்சிஎல் ஆகியவை நாடு முழுவதும் ஆயிரக்கணக்கான புதிய ஊழியர்களை வேலைக்கு அமர்த்தியுள்ளன. குறிப்பாக, இந்த ஐடி நிறுவனங்கள் ஒவ்வொன்றும் இந்த நிதியாண்டின் கடைசி காலாண்டில் 10,000க்கும் மேற்பட்ட ஊழியர்களை நியமித்துள்ளன. இப்போது TCS, Wipro, Infosys மற்றும் HCL ஆகியவை காலாண்டு நிதிநிலை அறிக்கைகளில் தொழிலாளர் செலவினங்களின் அதிகரிப்பு மற்றும் லாபத்தில் அவற்றின் தாக்கத்தை சுட்டிக்காட்டியுள்ளன.
Exams Daily Mobile App Download
இந்தியாவின் இரண்டாவது பெரிய தகவல் தொழில்நுட்ப நிறுவனமான இன்ஃபோசிஸ், பணியமர்த்தல் மற்றும் போட்டி இழப்பீட்டுத் திருத்தம் மூலம் திறமையான முதலீடுகளுடன் வலுவான வளர்ச்சியைப் பதிவு செய்துள்ளது என்று தலைமை நிதி அதிகாரி நிலஞ்சன் ராய் கூறினார். மேலும், இது நிறுவனத்தின் அட்ரிஷன் விகிதத்தைக் குறைக்கும் என்று அவர் எதிர்பார்க்கிறார். ஏனெனில், கடந்த 12 மாதங்களில் இன்ஃபோசிஸ் 28.4 சதவீத தேய்வு விகிதத்தை பதிவு செய்துள்ளது. அதேபோல், விப்ரோவின் தலைமை நிர்வாக அதிகாரி தியரி டெலாபோர்ட் கூறுகையில், நிறுவனத்தின் செயல்பாட்டு வரம்புகள் 15 சதவீதமாக குறைந்துள்ளது.
ஆகஸ்ட் 14 ஆம் தேதி நள்ளிரவு வரை 144 தடை உத்தரவு – மணிப்பூர் அரசு அறிவிப்பு
அதாவது, விப்ரோ நிறுவனத்தின் மார்ஜினை மேம்படுத்தவே புதிதாக ஊழியர்களை பணியமர்த்துவதாக விப்ரோ நிறுவனத்தின் தலைமை நிதி அதிகாரி ஜதின் தலா தெரிவித்துள்ளார். தற்போது விப்ரோ நிறுவனத்தின் மார்ஜின் எதிர்பார்த்ததை விட 15 சதவீதம் குறைவாக உள்ளது. இதனை நிலைநாட்டுவதே விப்ரோ நிறுவனத்தின் நோக்கமாகும். மேலும், விப்ரோ நிறுவனத்தின் மொத்த வருவாய் ஒவ்வொரு ஆண்டும் 17.9 சதவீதம் அதிகரிக்கிறது. இந்த ஆண்டு விப்ரோ நிறுவனத்தின் வருவாய் 2.7 பில்லியன் டாலர்களாக இருக்கிறது. அதே போல HCL நிறுவனத்திற்கும் ஆண்டு வருவாய் $3 பில்லியனாக இருக்கிறது. மேலும், TCS நிறுவனத்தின் ஆண்டு வருவாய் $6.78 பில்லியன் டாலர்களாக உள்ளது குறிப்பிடத்தக்கது.