மத்திய அரசு ஊழியர்களுக்கு புத்தாண்டில் ரூ.20,000 சம்பளம் அதிகரிப்பு – ஊழியர்கள் மகிழ்ச்சி!
மத்திய அரசு ஊழியர்கள் சமீபத்தில் பெற்ற அகவிலைப்படி உயர்வு தவிர, விரைவில் கூடுதலாக 3% அகவிலைப்படி வழங்கப்பட உள்ளதால், அதிக சம்பள உயர்வு கிடைக்கும் என்று எதிர்பார்க்கப்படுகிறது. இதனால் மத்திய அரசு ஊழியர்கள் மிகுந்த மகிழ்ச்சியில் உள்ளனர்.
சம்பள உயர்வு:
மத்திய அரசு தனது ஊழியர்களுக்கு முன்னதாக ஜூலையில், முதல் DA மற்றும் DR உயர்வை வழங்கியது மற்றும் கொடுப்பனவு விகிதத்தை 17 சதவீதத்தில் இருந்து 28 சதவீதமாக உயர்த்தியது. DA பொதுவாக ஆண்டுக்கு இரண்டு முறை, ஜனவரி மற்றும் ஜூலை மாதங்களில் உயர்த்தப்படுகிறது. இறுதியாக அக்டோபரில் கூடுதலாக அகவிலைப்படி மீண்டும் 3 சதவீதமாக உயர்த்தப்பட்டது. அதன் பின்னர், தற்போது 2022 ஆம் ஆண்டின் தொடக்கத்தில் தனது ஊழியர்களுக்கு மீண்டும் DA உயர்வு வழங்க மத்திய அரசு திட்டமிட்டுள்ளது. இந்த முடிவு 7வது ஊதியக் குழுவின் பரிந்துரையின் படி நடக்க உள்ளது.
10ம் வகுப்பு தேர்ச்சி பெற்றவர்களுக்கு அஞ்சல் துறையில் வேலை – டிச.28ம் தேதி கடைசி நாள்!
அகவிலைப்படி உயர்வு தவிர, மத்திய அரசு ஊழியர்கள் சிலருக்கு புத்தாண்டில் பதவி உயர்வும் கிடைக்கும் என தகவல்கள் தெரிவிக்கின்றது. அந்த அறிக்கைகளின்படி, அவர்களின் அகவிலைப்படி 2022 ஜனவரியில் மீண்டும் ஒருமுறை அதிகரிக்கும். டிஏ உயர்வு காரணமாக, அரசு ஊழியர்களின் சம்பளம் மீண்டும் உயரும். இருப்பினும், 2022 ஜனவரியில் அகவிலைப்படி எவ்வளவு அதிகரிக்கப்படும் என்பது குறித்த இறுதி முடிவு எடுக்கப்படவில்லை. ஆனால், AICPI குறியீட்டின் தரவுகளின்படி, புத்தாண்டில் 3% DA அதிகரிக்கும் என எதிர்பார்க்கப்படுகிறது. மேலும், 2022 பட்ஜெட் கூட்டத்திற்கு முன்னதாக உடல்தகுதி காரணிகள் குறித்த முடிவும் விரைவில் வர வாய்ப்புள்ளது. இது நடந்தால், மத்திய அரசு ஊழியர்களுக்கு குறைந்தபட்ச அடிப்படை சம்பளமும் உயரும்.
ரயில் பயணிகளுக்கு ஹாப்பி நியூஸ் – இலவச வைஃபை வசதி! தெற்கு ரயில்வே அறிவிப்பு!
அகவிலைப்படியை 3% உயர்த்திய பிறகு, மொத்த DA 34% ஆகவும், அடிப்படை சம்பளமான ரூ 18,000 இல், மொத்த ஆண்டு அகவிலைப்படி ரூ 73,440 ஆகவும் இருக்கும். முதல் நிலை ஊழியர்களுக்கு இதனால் ஆண்டுக்கு ரூ.6,480 அதிகமாக கிடைக்கும். அதிகபட்சம் அடிப்படை சம்பளம் வாங்கும் ஊழியருக்கு ஆண்டுக்கு ரூ 20,484 அதிகமாக கிடைக்கும். அகவிலைப்படி அதிகரிக்கப்படுவதால், அதனுடன் தொடர்புடைய வீட்டு வாடகை படி (HRA ), பயணப்படி (TA), மருத்துவப்படி, மாற்றுத்திறனாளிகளுக்கான போக்குவரத்து படி போன்றவையும் அதிகரிக்கப்படும் என்பது குறிப்பிடத்தக்கது. இந்த அறிவிப்பினால் மத்திய அரசு ஊழியர்கள் மிகுந்த மகிழ்ச்சியில் உள்ளனர். புதிய அகவிலைப்படி உயர்வு ஜனவரி முதல் அமலுக்கு வரும் என்பது குறிப்பிடத்தக்கது.
